ما فيه داعي تجـرح القلـب و تـروح
روّح ولكـن خــل قلـبـي مكـانـه
أبعـد ولكـن ليـه بركانـك يـفـوح
بعـد المحبـة شفـت منـك اللعـانـة
دم المحبـة مـن سبايبـك مسـفـوح
لازم قبـل تبعـد تخـون الأمـانـة ؟!
لو قلت أبذهب قلت لـك روح مسمـوح
مهـرٍ جمـح وأرسلـت خلفـه عنانـه
رغم إني أشعر روحتك تقتـل الـروح
لكـن بعمـري مـا رضيـت المهانـة
أصبر على الجمرة ولا أجرؤ على البوح
مـا دام صمـتـي للمقـفّـي تكـانـة
ارسم على وجهي ابتسامـات ومـزوح
ولا منّه أقفـى اغسـل بدمعـي مكانـه
أثرك لك شهرين ترسـم علـى اللـوح
لوحـة بهـا غـدرٍ عظيـم المكـانـة
شهرين وقليبـي مـن الهـم مطـروح
ما كان يعـرف صدقهـا مـن الميانـة
تذكر قبل عامين يـوم أنـت مجـروح
يـوم إن قلبـك كـاد يعلـن جنـانـه
كنك مـن اللوعـة مكسّـر و مذبـوح
تـونّ مـن غـدر القلـوب الجبـانـة
داويت جرحك لين طبتـي مـن النـوح
ونسيت قلبك مـا مضـى مـن خيانـة
جعلت لـك قلبـي كمـا وارف الـدوح
وأسقـاك خالـد بلسـمٍ مـن لسـانـه
واليـوم تسقينـي متاهـات واجـروح
هـذا جـزا قلـبٍ كـسـاك بحنـانـه
روحي ترى الدنيا انحـدارات واسفـوح
وجرحليـا تطـاول زمانـه ي يطيـب
