عقرب الساعه

الشوق يذبح و بعض النـاس ماتـدري
والدمع يفضح صويب الحب كل ساعـه
عشرين عامٍ و راحت حسـرة بعمـري
في كل يـومٍ تزيـد النفـس بأطماعـه
(صبرت لين الصبر قد ملّ من صبري)
و اليوم نفسي علـى لقيـاه منصاعـه
مشيت درب الشقاء و أخفيته بصـدري
و الحزن شفني بديت أطوي له شراعه
و أعلنت سر العناء و أعطيت له عذري
علّه يهوّن مصاب القلـب و أوجاعـه
بالله يـاذا القمـر إجلـس ولا تسـري
ماعاد يحرق خفوقي عقـرب الساعـه
أبسبل الشعر عندك مـن بحـر فكـري
مجنون هالفكر عيّت تضبـط أوضاعـه
ياصاحبي لاتواخـذ فكـري و شعـري
الحـب خـلا ضلـوع القلـب ملتاعـه

انشاء الله يعجبكم